ეთიკის კოდი
& WRO სახელმძღვანელო პრინციპები

ეთიკის კოდი

მნიშვნელოვანი ის კი არაა მოიგე თუ წააგე, არამედ ის თუ რამდენი ახალი რამე ისწავლე.“

ჩვენ მონაწილეობას ვიღებთ შეჯიბრში
ჩვენ გვინდა რომ მოვიგოთ. ჩვენ გვინდა რომ ვისწავლოთ.
და ამავდროულად, გვინდა რომ გავერთოთ.

 ჩვენ გვინდა რომ ვითამაშოთ სამართლიანად
ჩვენ ჩვენით ვქმნით რობოტს და ვწერთ მის პროგრამას
უსამართლობა იქნება თუ ვინმე სხვა გააკეთებს ამას ჩვენ მაგივრად.

ჩვენ ვისწავლით მხოლოდ მაშინ თუ ჩვენით ვეცდებით რამის გაკეთებას.
ჩვენს მწვრთნელს შეუძლია გვასწავლოს და მოგვცეს მიმართულება
და  შთაგონების წყაროს პოვნაში შეიძლება დაგვეხმარონ სხვებიც.

თუმცა ჩვენმა მწვრთნელმა არ უნდა გააკეთოს საქმე ჩვენ მაგივრად.
და ჩვენ არ უნდა გადმოვაკოპიროთ სხვისი რობოტი ან პროგრამა.
ჩვენ შეგვიძლია გამოვიყენოთ მაგალითები რათა შევქმნათ ჩვენი საკუთარი რობოტი და პროგრამა.

ზოგჯერ დავმარცხდებით და ამასაც არაუშავს.
ორიგინალური იდეები სწორედ დამარცხების შედეგად ჩნდება.
გამარჯვება კარგია, მაგრამ დამარცხებაც ხომ შეჯიბრის ნაწილია.

WRO სახელმძღვანელო პრინციპები

ჩვენ ვიცით, რომ შეჯიბრი თავისთავად ნიშნავს, რომ თითოეულ მონაწილეს – გუნდის წევრს, მწვრთნელს, მშობელს და ქვეყნებსაც კი – უნდათ რომ გაიმარჯვონ. რა თქმა უნდა, ეს ნორმალურია და პირობას ვდებთ, რომ თითოეულ მონაწილეს ექნება სამართლიანობის განცდა მანამ, სანამ WRO-ს სახელმძღვანელო პრინციპები დარჩება ხელუხლებელი.

WRO-ს სახელმძღვანელო პრინციპებია:

  • ჩვენ მოვუწოდებთ მონაწილეებს რომ ისწავლონ და განივითარონ ახალი უნარები;
  • მწვრთნელებს, მენტორებსა და მშობლებს შეუძლიათ მხოლოდ მიმართულების მიცემა და არა გუნდის წევრების მაგივრად რამე საქმის შესრულება;
  • მონაწილეობა და სწავლა უფრო მნიშვნელოვანია ვიდრე გამარჯვება.

რა არის დასაშვები და რა – დაუშვებელი?

დასაშვები

ყველა მონაწილისთვის
ჩვენ ვეძებთ ინფორმაციას ინტერნეტში და მიღებულ ცოდნას ვუზიარებთ სხვებსაც. ჩვენ ვსწავლობთ მაგალითებით და მიღებულ ცოდნას ვიყენებთ ჩვენი რობოტის ასაწყობად.
ჩვენი მწვრთნელი/მენტორი/მშობელი გვირჩევს რომ სხვანაირად დავაპროგრამოთ რობოტიūsu.
ჩვენი მწვრთნელი/მენტორი/მშობელი გვირჩევს რომ სხვანაირად ავაწყოთ რობოტიūsu.
ჩვენი მწვრთნელი/მენტორი/მშობელი გვაცდის რომ მივაგნოთ ხარვეზებს ჩვენს ნამუშევარში თუკი რამე არ მუშაობს სწორად.
ჩვენი მწვრთნელი/მენტორი/მშობელი გვაცდის რომ ჩვენით გავუმკლავდეთ დავალებას შეჯიბრის დღეს.
ჩვენ გვინდა გამარჯვება, თუმცა არა მოტყუებისა და სხვისი შრომის ხარჯზე.
რეგულარული კატეგორიისთვის
ჩვენ ვცდილობთ მოულოდნელ წესს ჩვენითვე გავართვათ თავი.

დაუშვებელი

ყველა მონაწილისთვის

ჩვენ ვყიდულობთ უკვე მზა გადაწყვეტილებას ან პირდაპირ ვაკოპირებთ სხვის ნამუშევარს
შემდგომ კი მათ ვიყენებთ შეჯიბრის დროს.
ჩვენი მწვრთნელი/მენტორი/მშობელი თავად წერს პროგრამას ჩვენ მაგივრად.
ჩვენი მწვრთნელი/მენტორი/მშობელი თავად აწყობს რობოტს ჩვენ მაგივრად.
ჩვენი მწვრთნელი/მენტორი/მშობელი თავადვე გვისწორებს ხარვეზებს თუკი რამე არ მუშაობს სწორად.

ჩვენი მწვრთნელი/მენტორი/მშობელი განიხილავს წესებსა და მიღებულ გადაწყვეტილებებს მსაჯებთან  შეჯიბრის დღეს.
ჩვენ გვინდა გამარჯვება ნებისმიერ ფასად.

რეგულარული კატეგორიისთვის

ჩვენი მწვრთნელი/მენტორი/მშობელი ცდილობს მიგვითითოს თუ როგორ ამოვხსნათ მოულოდნელი წესი მისი გამპოცხადების შემდეგ.